ತ್ರಿಶಾ ಚಂದ್ರ ದೇವಾಡಿಗ ಅವರಿಂದ ವಿಶ್ವ ದಾಖಲೆ!
ಮುಂಬೈ: ಪ್ರತಿಭಾವಂತ ವಿದ್ಯಾರ್ಥಿನಿ ತ್ರಿಶಾ ಚಂದ್ರ ದೇವಾಡಿಗ ಅವರು ವಿಜ್ಞಾನ ಲೋಕದ ಸಂಕೀರ್ಣ ವಿಷಯವೊಂದರಲ್ಲಿ ಅಪೂರ್ವ ಸಾಧನೆ ಮಾಡುವ ಮೂಲಕ 'OMG ಬುಕ್ ಆಫ್ ರೆಕಾರ್ಡ್ಸ್' (OMG Book of Records) ನಲ್ಲಿ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ.
ಮೇ 1, 2026 ರಂದು ಮುಂಬೈನಲ್ಲಿ ನಡೆದ ವಿಶೇಷ ಕಾರ್ಯಕ್ರಮದಲ್ಲಿ, ತ್ರಿಶಾ ಅವರು ವಿಜ್ಞಾನದ ಆವರ್ತಕ ಕೋಷ್ಟಕದ (Periodic Table) ಎಲ್ಲಾ 118 ಧಾತುಗಳನ್ನು (Elements) ಅವುಗಳ ಸಂಕೇತಗಳೊಂದಿಗೆ ನೇರ ಕ್ರಮ (Forward) ಮತ್ತು ಉಲ್ಟಾ ಕ್ರಮದಲ್ಲಿ (Reverse) ಅತ್ಯಂತ ವೇಗವಾಗಿ ಹೇಳುವ ಮೂಲಕ ಈ ದಾಖಲೆಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ಜೆ.ಪಿ. ಕ್ಲಾಸಸ್ನ ಸಂಸ್ಥಾಪಕರಾದ ಸಂತೋಷ್ ಜೆ. ಚೌಹಾಣ್ ಅವರ ಮಾರ್ಗದರ್ಶನ ಹಾಗೂ ಸುರೇಶ್ ಚಂದ್ರ ಶರ್ಮಾ ಅವರ ತರಬೇತಿಯಲ್ಲಿ ತ್ರಿಶಾರ ಈ ಸಾಧನೆ ಮೂಡಿಬಂದಿದೆ.
ಒಟ್ಟು 20 ಸ್ಪರ್ಧಿಗಳ ಸಮ್ಮುಖದಲ್ಲಿ ಈ ಮ್ಯಾರಥಾನ್ ರೆಸಿಟೇಶನ್ ನಡೆದಿದ್ದು, ಇದನ್ನು 2026-27ರ OMG ಬುಕ್ ಆಫ್ ರೆಕಾರ್ಡ್ಸ್ ಆವೃತ್ತಿಯಲ್ಲಿ ದಾಖಲಿಸಲಾಗಿದೆ.
ತ್ರಿಶಾ ಅವರು ಮೂಲತಃ ಕುಂದಾಪುರದ ಬಿಜೂರಿನ ಚಂದ್ರ ದೇವಾಡಿಗ ಹಾಗೂ ಪಾರ್ವತಿ ಸಿ. ದೇವಾಡಿಗ ದಂಪತಿಯ ಪುತ್ರಿಯಾಗಿದ್ದಾರೆ.
ವಿಜ್ಞಾನದ ಕಠಿಣ ವಿಷಯವನ್ನು ಲೀಲಾಜಾಲವಾಗಿ ನೆನಪಿನಲ್ಲಿಟ್ಟುಕೊಂಡು ದಾಖಲೆ ಬರೆದ ತ್ರಿಶಾ ಅವರ ಸಾಧನೆಗೆ ಈಗ ಎಲ್ಲೆಡೆಯಿಂದ ಪ್ರಶಂಸೆ ವ್ಯಕ್ತವಾಗುತ್ತಿದೆ.
.jpeg)
